BUTUAN CITY – Gihagit karon sa kampo ni kanhi Pangulo Rodrigo Duterte si Pangulong Ferdinand “Bongbong” Marcos nga magpa drug-test aron ma-undang na ang isyu sa matud pa paggamit niini og ginadili nga droga.
Kini human sa mikatag nga video sa usa ka lalaki nga nagagamit og cocaine nga gipakita sa screen atol sa Maisug Rally sa Los Angeles, California USA.
Bisan pa man nga walay gibutyag nga pangalan sa maong video, daghan gihapon ang nagtuo nga matud pa nawong kini ni Pangulong Bongbong Marcos.
Sigon ni ni kanhi Presidential Communications’ Office Undersecretary Lorraine Baduy, mas maayong mupa-ilaom sa hair follicle drug test ang pangulo inay nga ilimod ang maong alegasyon aron mahuman na ang isyu.
Una nang gibutyag ni DILG Secretary Benhur Abalos nga edited lamang ug dili si PBBM ang a naa sa video.
Sumala pa sa opisyal, pasakaan og kaso ang kinsa mang masuta nga nagpaluyo niini sanglit nakahatag kini og maling impormasyon ngadto sa publiko.
