BUTUAN CITY – Gibigwasan og maayo ni Vice President Sara Duterte si Pangulong Ferdinand Bongbong Marcos Jr. sa iyang gihimong ‘Drag Me To Hell’ press conference kagahapong adlawa.
Sumala sa bise presidente, gigamit lang siya sa kasamtangang pangulo aron modaog sa 2022 presidential elections.
Gi-asuy usab niini nga si Senador Imee Marcos ang mitawag kaniya niadtong tuig 2021 aron hangyoon siyang mahimong running mate sa iyang igsuon.
Direkta matud pa siyang gisultihan sa Senador nga gikinahanglan siya ni Bongbong aron lang makuha ang boto sa Visayas ug Mindanao, kay kung dili, pildihon matud pa sila ni kanhi Bise Presidente Leni Robredo.
Bisan pa man sa gihimo kaniya karon sa administrasyon, wala siya magbasol sa pagdagan niya pagka-bise presidente ug bisan sa pagka-running mate ni Marcos.
Nagtuo siya nga dunay rason ang Diyos nganong gibutang siya sa iyang posisyon karon.
Aminado si Bise Presidente Sara Duterte nga gisultihan na niya si Senadora Imee Marcos nga iyang kubkubon ang patay’ng lawas sa ilang amahan oug ilabog sa West Philippine Sea kung dili siya undangan sa kampo sa mga Marcoses.
Ang iyang chat ngadto sa senadora, nabasahan matud pa sa laing mga tawo ug wala siya’y nadumduman nga gitubag kini sa senadora.
ang tipik lang sa mga hait nga pamahayag ni Bise Presidente Sara Duterte kang Presidente Marcos ug sa mga Kaalyado niini.
