BUTUAN CITY – Gihikyad na ni Pangulong Ferdinand Marcos Jr. ang mga agenda sa iyang state visit ngadto sa Canberra, Australia atol sa iyang departure statement sa Villamor Air Base, Pasay City ning buntaga.
Gila-umang mamulong ang kanhi pangulo sa parliamento sa Australia, kondiin iyang hisgutan ang mga panglantaw alang sa strategic partnership tali sa duha ka nasud nga gipirmahan ning mi-aging tuig.
Kini magmarka sa makasaysayanong higayon isip chief executive tungod kay siya ang unang Filipino head of state nga mamulong sa Australian Parliament.
Makigtagbo usab ang presidente ngadto nila governor General David Hurley, Prime Minister Anthony Albanese ug ubang mga Australian leaders sa Parliamento aron hisgutan ang defense and security, trade, investments, people-to-people exchanges, multilateral cooperation ug mga regional issues.
Usa sa mga highlights sa iyang pagbisita mao ang pagpirma sa mga bag-ong kasabutan sa mga areas of common interest, aron mas mapakusgan ang kooperasyon sa duha ka nasud.
Kini nga mga kasabutan, mao ang pagpalapad sa engagements alang sa mutual capacity-building ug pagpakusog pa sa bilateral relations. Ang pagbisita ni Pangulong Marcos Jr. ngadto sa Canberra ma-atol sa ika-78 nga anibersaryo sa diplomatic relations tali sa Pilipinas ug Australia, nga mag-highlight sa dugay nang relasyon sa duha ka mga nasud.
