BUTUAN CITY – Gipangunahan ni Pangulong Ferdinand ‘Bongbong’ Marcos Jr. ang inagurasyon sa 24.9-Megawatt nga Lake Mainit Hydroelectric Power Plant sa lungsod sa Jabonga, Agusan del Norte kaganinang alas-nueve sa buntag.
Ang maong hydroelectric power plant maoy katumanan sa unang State of the Nation Address kon SONA sa pangulo nga nagtinguhang ma-mitigate ang impact sa climate change ug mabatukan ang uba pang mga environmental threats pinaagi sa advanced renewable energy alang na usab sa kaayuhan sa mga Filipino.
Ang total capacity nga 24.9 megawatts sa Lake Mainit Hydroelectric Power Plant, nagtinguhang ma-deliver ang mala-uman ug accessible nga elektrisidad para sa mga kinsumidor ng Agusan del Norte Electric Cooperative, Inc. kon ANECO ug musuporta usab sa nagkadakong demand sa enerhiya gikan sa residential ug commercial sectors sa Caraga Region.
Gi-awhag usab niini ang provincial government sa Agusan del Norte nga muhatag sa gikinahanglang assistance aron masiguro ang episyente, luwas ug pagka-produktibo sa maong power plant.
