BUTUAN CITY – Padayon pa ang imbestigasyon sa kapulisan sa Butuan City Police Station 1 human ang panagbangga sa duha ka motorsiklo kagahapon sa alas-kwatro sa hapon nga miresulta sa pagkamatay sa usa ka driver og pagka-angol sa angkas niini.
Naila ang namatay nga si Raymond Atlawan, 21-anyos, ulitawo, residente sa Purok 3, Brgy. Guiasan, lunsod sa Magallanes, Agusan del Norte samtang ang iyang angkas nga silingang padayon pang nagpaalim sa ospital nailang si Resty Lipyahan, 17-anyos og gi-ila pa ang driver sa laing motorsiklo.
Sigon ni SPO1 Alexander Alianza, posible matud pang nagsugat ang duha ka sakyanan paghidangat sa Purok 3, Galaxy sakop sa Brgy. Banza ning siyudad.
Gidala pa sa Butuan Medical Center si Atwalan apan gideklara matud pa kining dead on arrival sa attending physician.
