BUTUAN CITY – Ubay-ubay na ang narekober nga patayng lawas sa nahitabong pagbangga sa usa ka American Airlines flight sa US military helicopter taliwala sa flight niini sa may Washington DC, USA, dayong hagsa sa Potomac River.
Gikan ang pampasayroang abyon sa Wichita, Kansas, ug dunay kargang 60 ka mga pasahero ug upat ka mga crew members, samtang ang helicopter, duna usay kargang tulo ka mga US Army soldiers.
Daling ning reponde niini ang anaa sa 300 ka mga emergency responders, lakip na ang mga police divers ug mga bangka sa nasangpit nga suba, sa kasamtangan, padayon pang gipangita sa mga otoridad ang ubang mga survivors, diin 18 niini ang na recover na.
Nahitabo ang panagbangga sa may Runway 33 ug sa Reagan Washington National Airport bandang alas 9 ang takna sa gabie, oras sa maong estado, kon alas 11 sa buntag sa Pilipinas.
