BUTUAN CITY – Padayong nanawagan ang pamilya ni kanhi Dinagat Islands governor Glenda Ecleo ngadto sa katawhan sa probinsya nga i-ampo ang ilang inahan alang sa iyang dinali-ang pagrekober human nagpositibo sa COVID-19.
Sumala ni provincial board member Gwen Ecleo-Pols, adunay pneumonia ang iyang inahan ug hinuon anaa na kini sa maayong kondisyon.
Gi-awhag usab niini mga tawo sa Dinagat Islands nga mahimong vigilante ug motuman sa mga gikantar nga health protocol aron mahunong na ang pagtakboy sa covid-19.
Madumdumang gi-admit ang kanhi gobernadora adtong Mayo 23, tungod sa pagkaluya.
Una na kining nag-negative sa iyang antigen test sa Municipal Health Office sa lungsod sa San Jose apan dihang gi-admit na, nagpositibo na ang iyang antigen test ug nakumpirma dihang gipa-ilalom sa RT-PCR sa Philippine Red Cross kondiin duna kini’y mild symptoms.
Nasayrang lima ka house staff sa iyang inahan ang nagpositibo sa COVID-19 ug gipang-quarantine na aron ma-atiman ug ma-obserbahan.
Gitambagan na mga tawong nakahugoy-hugoy sa ilang inahan nga mag-self isolate ug magpailalom usab sa RT-PCR test.
