BUTUAN CITY – Full support kanunay ang pamilya Busa sa subay nga gustong subayon ni Lance ilabina sa singing career.
Kini ang gipadayag sa iyang amahang si Lorie sa eksklusibong pakighinabi sa Bombo Radyo.
Gipadayag niining sa sinugdanan pa lang isip usa ka amahan, mas gipatutukan niya kang Lance ang pagtuon og maayo kaysa pagkanta-kanta tungod sa iyang dam go nga duna’y matapos nga kurso ang iyang anak.
Apan iyang namatikdan nga samtang seryuso sa iyang pagtuon, maggahin usab kanunay og oras si Lance pagba-id sa iyang talento pinaagi sa pag-apil og mga singing contests og pag-perform diha sa mga school programs og sa pipil ka mga okasyon sama sa kasal, birthday celebrations og uban pa.
Nakita niya ang kapursigido sa iyang anak nga maningkamot nga makakanta atubangan sa daghang tawo aron ma-anad.
Gipadayag pa sa amahan nga duna na’y gi-andam nga trabaho ang maninoy sa iyang anak nga atua sa New York og duna na usab kini’y gi-andam nga balay’n g kasak-an.
Nasayrang mugradwar na sa kursong tourism si Lance karong Oktubre 28 sa De La Salle University og ang iyang kada-ugan dakong tabang matud pa, higayong manarbaho na kini sa Amerika.
Apan ang tanan matud pa nga gustong buhaton ni Lance og gustong subayon, iya nang itugyan sa Kahitas-an aron kini magiyahan sa dalan nga iyang subayon. (Beth Ruiz)
