BUTUAN CITY – Gidayeg karon sa mga Filipino ang pambato sa Spain sa Miss Universe 2022 nga si Alicia Faubel human kini nag-post iyang social media account og mga videos samtang ania sa Pilipinas.
Makita sa usa sa iyang mga videos nang iyang mga nakasugat sa kalsada sama sa usa ka bata ug usa ka pedicab driver kondiin nag-Tagalog siya rason sa kadaghan sa mga nakadayeg nga nag-comment sa iyang video.
Apil sa mibilib kaniya ang pambato sa Pilipinas nga si Celeste Cortesi kansa sigon sa mga netizens, mas maayo pang mag-Tagalog ang taga-Espanya kumpara kaniyang mestiza Italyana.
Sigon ni Faubel, halos tulo ka tuig siyang nagpuyo sa Pilipinas ug mibalik siya ning tuiga tungod sa gitambungan niyang fashion show ka-uban si Cortesi.
Duol matud pa kaniya ang mga Filipino tungod sa pagka-malipayon taliwa sa mga problema ug sa pagka-matinabangon.
Himuon ang Miss Universe 2022 pageant sa Enero 14, 2023 sa New Orleans, Louisiana.
