BUTUAN CITY – Mi-atras na pag-apil sa Miss Universe Philippines 2025 ang pambato sa lalawigan sa Cebu nga si Chella Grace Falconer.
Sa iyang social media post, gipadayag niini nga sulod matud pa sa usa ka buwan, pinasahi ang iyang kasinatian pagsalmot sa Miss Universe Philippines 2025 ug personal ang rason sa iyang pag-atras. Gipanghimakak niini ang mga tsika nga ang pagsalmot niya sa Miss World Philippines ang rason sa iyang pag-atras.
Madumdumang una nang mi-atras sa Miss Universe Philippines si Hannah Michelle Gilmore sa Los Angeles niadto pang Pebrero hinungdan nga sa pagkakaron, 67 na lang ka mga kandidata ang mag-agbat sa Miss Universe Philippines kansang coronation night himuon sa Mayo 2 sa gabi sa Mall of Asia Arena sa Pasay City.
Ang si bisan kinsa mang mudaog, mao unya ang pambato sa nasud sa Miss Universe 2025 pageant nga himuon karong Nobyembre 21 sa Bangkok,Thailand.
