BUTUAN CITY – Dakong garbo alang sa 23-anyos Kirby Torrafranca Bas nga residente sa San Francisco, Agusan del Sur human nga napiling representante dili lang sa ilang lalawigan kondili apil na sa tibuok Region alang sa male pageant nga Man of the Globe Philippines 2021.
Sa eksklusibong pakighinabi sa Bombo Radyo Butuan isip unang sibyahan sa iyang gibisita sa iyang unang media tour, gipadayag ni Bas nga ang maong pageant, wala lang mangita og mga lalaking duna’y gwapo nga nawong, maayo nga barog ug utukan kondili apil na kadtong duna’y maayong taras aron mahimo nilang ambassador.
Gipadayag pa ni Bas nga kini ang iyang unang paag-apil sa national pageant tungod kay naka-apil na siya sa mga local pageants ug napiling Man of the Globe Philippines 2020 Agusan del Sur ingon man Ginoong Turismo 2016 ug SPED Ambassador ug Advocate sa Agusan del Sur.
Apil sa iyang mga advocacies ang pagka-environmentalist, pagka-charity worker, ilabina ang special education alang sa mga special children kansa maoy iyang nadak-an tungod sa pagka-supervisor sa iyang inahan sa SPED sa ilang lalawigan.
