BUTUAN CITY- Wala masayud ang Palasyo sa Malacañang mahitungod sa taho nga matud pa nag apply og asylum si kanhe Pangulong Rodrigo Duterte sa China.
Sigon ni Palace Press Officer Claire Castro, wala silay nakuhang impormasyon mahitungod niini.
Ang bugtong taho nga ilang nakuha mao lamang ang mahitungod sa pagpauli ni kanhe Pangulong Duterte sa nasud gikan sa Hongkong. Base sa migawas nga taho gikan sa source sa usa ka dakong media station ning nasod nga matud pa gibalibaran sa China ang hangyu nga asylum ni Duterte.
Subay niini, gilimod usab ni kanhi Presidential Spokesperson Harry Roque ang nahigutang taho.
Pagbutyag pa ni Roque, dili miyembro ang China ug Hong kong sa 1951 Convention on the Rights of Refugees and Asylum Seekers rasong imposible nga mag apply ang kanhe Pangulo og asylum sa nasangpit nga nasod.
