BUTUAN CITY – Gibatikos sa Palasyo sa Malacañang si Bise Presidente Sara Duterte tungod sa iyang pagbutyag nga gi-politicize sila ni Pangulong Ferdinand Marcos Jr., human nipasaka og reklamo batok sa iyang igsuon nga si Davao City Rep. Pulong Duterte.
Sumala ni Palace Press Officer USec. Claire Castro, wala nag-level up si VP Sara sa iyang diskurso kansa matud pa puros palusot. Ang gitumong ni Castro mao ang pamahayag sa Bise Presidente kalabot sa reklamo batok sa iyang igsoon nga si Cong. Pulong Duterte sa mga politikanhong atake sa administrasyon.
Si Palace Press Officer USec. Claire Castro
Sigon ni Castro, wala matud pa gilimod sa kongresista ang migawas nga video rason nga mitumaw ang mga pangutana, kung nganong mabasol ang presidente ug ang administrasyon sa gihimo sa iyang igsoon.
Dugang ni Castro, nasayod si Cong. Pulong sa balaod ug ang iyang mga obligasyon isip usa ka public servant, busa kinahanglan niyang tubagon ang reklamo batok kaniya.
