BUTUAN CITY – Giklaro ni Pangulo Ferdinand Marcos Jr. nga tumong sa iyang pagbisita sa Naga City aron susihon ang mga proyekto ubos sa Oplan Kontra Baha, usa ka flood mitigation initiative sa nasudnong gobyerno. Iyang nahimamat si Mayor Leni Robredo, nga kaniadto Bise Presidente ug naka-atbang niya pagka-pangulo sa mi-aging presidential race kondiin ka-uban niya si Public Works Secretary Vince Dizon.
Nasayrang iyang gipangunahan ang inspeksyon sa mga waterways ug drainage systems sa Naga City nga kabahin sa multi-agency desilting ug rehabilitation program aron mapalig-on ang flood control system sa lungsod.
Giklaro sa pangulo nga nakapokus siya sa serbisyo publiko ug dili sa politika, bisan pa sa mga espekulasyon sa posibleng alyansa sa umalabot nga Eleksyon 2028.
Dungan niini, gipakita sa pangulo ngadto sa mga mitambong ang iyang kolor pink nga medyas nga iyang gisuot isip pagsaludo matud pa kang Mayor Robredo kinsa migamit sa kolor pink sa iyang presidential campaign niadtong 2022.
