BUTUAN CITY – Misaka na pag-ayo ang ihap sa mga namatay tungod sa grabeng pagbaha ug landslides sa Pakistan ug Pakistan-administered Kashmir, nga karon mi-abot na sa 307.
Kadaghanan sa mga namatay, natala sa disaster authorities sa Khyber Pakhtunkhwa province, nga nahimutang sa kabukiran sa amihang-kasadpang bahin sa Pakistan.
Aduna usa’y 74 ka mga balay nga nadamyos ug usa ka rescue helicopter ang nag-crash atol sa operasyon nga mikalas sa lima ka mga crews niini.
Sa Pakistan-administered Kashmir, laing siyam pa ka tawo ang napatay, samtang lima ang namatay sa amihanang bahin sa Gilgit-Baltistan region.
Gipahibalo usab sa mga forecasters sa gobyerno nga magpadayon ang kusog nga ulan hangtod sa Agosto 21 sa amihang-kasadpan diin daghang lugar ang gideklarang disaster zones.
