BUTUAN CITY – Gidala na kagahapon ngadto sa Polymedic General Hospital sa Cagayan de Oro City gikan sa District Hospital sa Nasipit, Agusan del Norte ang pahenante sa fuel tanker nga gilamoy sa kalayo ning mi-aging adlaw didto sa Brgy. Tagcatong, Carmen, Agusan del Norte.
Ang maong hitabo, mikalas sa kinabuhi sa tanker nga si Rolly Yu-Abrenica, residente sa Brgy. Gusa sa Cagayan de Oro City ug mi-angol sa pahenanteng si AMir Alonto, residente sa Brgy. Lapasan sa susamang siyudad kinsa naka-angkon og mga paso sa nagkada-iyang parte sa iyang lawas.
Sigon ni PMajor Romel Ejem, chief of police sa Carmen Municipal Police Station, ila na lang gihulatan ang pagdalikyat sa tag-iya sa tanker nga si Gregorio Chato Jr., residente usab sa maong siyudad aron masayran ang kinatibuk-ang damyos sa nasangpit nga hitabo.
Nasayran nga padulong unta dinhi sa Butuan City ang tanker apan pag-abot niini sa dapit nga nahitabuan, gilikayan niini ang bajaj nga susama nila og direksyon apan wala na makontrola pa ni Abrenica ang manibela rason nga mipadulong kini sa pangpang nga bahin ug didto na midilaab ang kalayo.
