BUTUAN CITY – Giduso karon sa Senado ang duha ka mga sugyot-balaudnon nga nagtinguha pagtukod og mga pampublikong veterinary clinics ingon man maghatag og insentibo sa mga musagop og mga stray animals aron hingpit nang pakusgon ang kampanya sa Pilipinas batuk sa makamatay nga rabies.
Sa iyang privilege speech sa plenaryo, giklaro ni Senator Mark Villar ang panginahanglan nga hingpit nang mahimong balaud ang Senate Bill No. 255 kon mas nailang Animal Medical Center Act ug ang Senate Bill No. 591.
Sigon sa magbabalud, mu-abot sa kapin kon kulang, 300 ka mga indibidwal ang namatay tungod sa rabies ning mi-aging tuig 2025.
Bisan matud pa og duna’y natalang 65 porsyentong pag-ubos sa mga kaso sa rabies gikan sa Enero hangtud Pebrero ning tuiga base sa listahan sa Department of Health (DOH), gipamugos ni Villar nga dili angayangmagpa kampante ang gobyerno ug ang publiko.
