BUTUAN CITY – Mibati og kabalaka ang sektor sa Indigenous People kon IP sa probinsiya sa Surigao Del Sur human gitangtang isip miyembro sa National Security Council si Vice President Sara Duterte og mga kanhe presidente sa Pilipinas.
Kini ang nahimong reaksiyon ni Datu Rico Maca, Indigenous People Mandatory Representative kon IPMR sa San Miguel, Surigao Del Sur sa pakighinabi sa Bombo Radyo.
Sigon ni Datu Rico Maca, nabalaka sila tungod kay ang disesyon sa pangulo senyales lang nga huyang kini nga lider.
Gihimong basehan niini ang dakong tabang ni Vice President Sara diha sa security sa nasud nga makita na sa iyang pakigbatuk sa New people’s Army og ang kasamtangang administrasyon , lahi ra gayud ang motibo diin dili kini mokunsulta sa mga tawong duna nay kasinatian sama sa mga kanhe presidente.
Nakapahuyang usab niini nga lider ang pagka-walay disesyon nga iyaha og magpadala lang sa iyang ig-agaw nga si House Speaker Martin Romualdes.
Sa disesyon ni Pangulong Marcos jr, malipayon matud pa ang walhong grupo dayung butyag nga gilauman na niyang dunay moulbo nga kagubot sa nasud.
