BUTUAN CITY – Gi-atangan karon sa tibuok nasud ilabina sa mga Agusanon ang posibleng pinaka-unang public appearance ni Pangulong Rodrigo Duterte human ang lima ka adlaw niining pagpahulay.
Gikatakdang mutambong si Pangulong Duterte sa 50th founding anniversary celebration ning lalawigan sa Agusan del Norte karong hapon kondiin ‘close-in’ lang kini kon dili bukas sa media.
Sunod na aktibidad sa pangulo ang pagbisita sa 4th ID Advance Command Post sa Brgy. Bancasi, Butuan City kondiin bukas na kini sa media coverage.
Bisan ang Police Regional Office-13 pinaagi ni public information officer P/Supt. Martin Gamba, blangko pa kung ipadayon o kaha ikansela sa pangulo ang imbitasyon sa probinsyal nga panggamhanan alang sa maong selebrasyon.
Una nang mi-abot kaganinang buntag dinhi sa dakbayan sa Butuan si DILG Undersecretary Catalino Cuy.
Mahinumdumang miresulta sa daghang ispekulasyon sa panglawas ni Pangulong Duterte ang pipila ka adlaw niining wala pag-at ubang sa publiko tungod sa gibating kakapoy sa mi-aging mga kalihukan sukad gideklara ang Martial Law sa Mindanao. (Beth Ruiz)
