BUTUAN CITY – Gitubag na sa beteranang actress nga si Vilma Santos ang rason sa pagdagan sa iyang duha ka mga anak sa eleksyon sunod tuig human nga dungan niya nga nag-file og certificate of candidacy sila Luis Manzano ug Ryan Christian Recto.
Nasayrang mudagan pagka-gobernador sa Batangas ang actress samtang bise-gobernador usab ang anak niining si Luis ug kongresista sa ika-unom nga distrito sa Batangas ang anak niining si Ryan ilalom sa Nacionalista Party.
Sigon sa actress, dili lang kay sila ra na magkapamilya ang mihimo niini tungod kay daghan na nga mga pulitiko ang nangharos pagdagan sa nagkada-iyang posisyon sa gobyerno.
Gibutyag sa aktres nga gusto sa mga tawo nga mudagan siya pagka-gobernador tungod kay ang iyang bana nga si Ralph Recto, kalihim man sa Department of Finance. Napili matud pa niyang padaganon ang iyang mga anak tungod kay expose na sila sa pagserbisyo.
