BUTUAN CITY – Gikwestyon karon sa mga supporters ni kanhi United States President Donald Trump kung nganong nakasulod sa bisinidad sa iyang rally sa Butler, Pennsylvania ang 20-anyos nga si Thomas Matthew Crooks, ang napatay nga gunman nga maoy misulay pagpatay sa kanhi presidente.
Nasayrang gikan si Crooks sa Bethel Park kansa 70-kilometros ang gilay-on gikan sa Butler, diin nahitabo ang attempted assassination.
Sigon ni Bombo international correspondent Rufino ‘Pinoy’ Gonzales, ang Pennsylvania kansa balwarte sa Democrats, dapat hugot ang siguridad ilabina nga Republican si Trump.
Bisan og nasuko ang mga supporters ni Trump dili lang sa Amerika kondili apil na sa ubang kanasuran,nalipay gihapon sila nga buhi kini.
Dili usab matud pa masulti nga ‘shoot me’ kon drama lang ang nahitabo tungod sa nadamay nga us ka sibilyan nga apil sa namatay ug lain pang duha nga na-angol ug anaa p’a sa talandugong kahimtang.
Bisan pa man sa iyang nadangatan, pursigido gihapon si Trump nga ipadayon ang iyang pagdagan aron makabalik sa White House.
