BUTUAN CITY – Gikataw-an lang ni Atty. Froilan Montero ang nahitabong pagdakop kang Barangay Ampayon,Butuan City Kapitan Rodencio Basubas jr kaganinang hapon.
Kini tungod kay walay nakitang estafa nga nakomitar ang kapitan subay sa gireklamo batuk sa opisyal.
Sa eksklusibong pakighinabi ning sibyahan kang Atty. Montero kansa abogado sa kapitan, gipahayag niini nga dapat lakip sa dakpon ang nagbayad og pekeng kwarta nga maoy hinungdan nga nag-isyu og acknowledgement receipt ang kapitan.
Kini tungod kay siya matud ang mahimong principal sa maong kremin.
Ugmang adlawa target nga mapagawas nila ang Kapitan ugaling himoon na ang inquest proceedings tungod kay kumbinsihon nila ang prosecutor nga mag-order nga i-release ang kapitan tungod kay wala may kremin nga nahitabo.
