BUTUAN CITY – Giklaro ni Surigao del Sur 2nd District Congressman Johnny Pimentel nga bisan og aprubado na ang pag-uktaba sa barangay ug Sangguniang Kabataan kon SK elections, dili pa gihapon klaro nga mulampos kini tungod sa kapit-os sa panahon.
Sa eksklusibong pakighinabi sa Bombo Radyo Butuan, gipadayag sa kongresista nga human kini gi-aprubahan sa komite, sunod nga himuon mao ang pagmugna na og report sa komitiba ug aprobahan aron isang-at sa 2nd reading kondiin abli na kini alang sa diskusyon ug debate adiser kini botoran sa 3rd reading.
Kung ma-aprubahan, isang-at na kini ngadto sa Senado aron kuti-kutihon nga kung ma-aprobahan, walay mahimo ang tanan.
Dugang sa kongresista, ang importante duna na’y unang lakang nga gihimo alang sa pag-uktaba niini human na-aprobahan sa komitiba.
Apan aminado ang kongresista nga apike kaayu ang panahon aron hingpit nga mapalabang ang maong balaudnon tungod na usab sa kataas sa proseso nga agian niini.
