BUTUAN CITY – Ninglapas sa ordinary implementation sa pag serve og warrant of arrest ang mga kapulisan ngadto kang Pastor Apollo Quiboloy, kini ang namatikdan ni Atty. James Reserva, political analyst ug Propesor sa Constitutional Law.
Sumala niini nga wala matud pa nanginahanglan ug duha ka batalyon nga mga special action force uban sa mga myembro sa Criminal Investigation and Detection Group aron lang maka serve sa maong warrant of arrest ang mga otoridad ngadto kang Quiboloy.
Dugang sa maong abogado nga well trained matud pa ang maong mga special action force alang sa pagbatok sa mga terorista ingon man sa mga high caliber nga mga kriminal, subay niini, dili matud pa terorista si Quiboloy, askusado lamang matud pa kini sa usa ka kaso, rason nga sa kasamtangan, nag-enjoy pa ang maong indibidwal sa ‘presumption of innocence’.
Usa usab sa nakita nga loophole sa maong abogado, mao ang pag implementar sa mga kapulisan sa nasangpit nga pagserve sa warrant of arrest sa kadlawong dako.
Dili matud pa kini makatarunganon sanglit dili man ordinaryo nga balay ang ilahang gi raid, kundili usa man kini ka religious building.
Pasabot usab niini nga wala matud pay pananghiray ang maong mga otoridad dihang ilahang gipugos pag sulod ang nasangpit nga dakbalay ni Quiboloy.
Gihatagan usab ug pagtagad sa nasangpit nga abogado ang balaod nga dili mamahimong makasulod ang si bisan kinsa sa imohang pamuyo og wala kini pagtugot gikan sa tag-iya.
