BUTUAN CITY – Malampusong na-selebrar sa mga kaigsoong muslim dinhe sa siyudad sa Butuan ang pista sa sakripisyo o kasa-ulugan sa Eid’l Adha.
Sigon ni Sultan Gamal Amerol, sultanate sa Caraga Region nga gisugdan ang selebrasyon sa alas 7:00 sa buntag nga gihimo sa covered court sa Barangay New Society Village ning siyudad tungod sa kadaghang miapil.
Dinhe subling gisaysya ni Sultan Amerol ang pagsaulog sa sakripisyo nga gihimo ni Propeta Ibrahim pinaagi sa paghalad sa iyang anak nga si Ismael aron matukod ang mosque. Kini aron masukod ang iyang pagtoo sa Allah.
Apan dunay anghel nga mipakita og gi-ilisan sa karnero ang ihalad ni Propeta Ibrahim. Tungod niini, gibutyag sa sultan nga nahimong unod sa mensahe sa Imam ang kamahinungdanon sa sakripisyo aron makab-ot ang mga pangandoy sa kinabuhi. Apan kini nga sakripisyo kinahanglang mahisubay sa islam o sa maayong pamaagi.
Nagkomento usab kini sa ubang mga kaigsoonang muslim nga mas gipili ang pagsabwag og kadaot.
Sumala pa ni Sultan Amerol nga tungod kini sa ilang personal nga mga interest rasong gisupak ang gisugo sa Quran. Kini dayung awhag sa mga niini nga mobalik na sa maayong dalan
