-- ADVERTISEMENT --
BUTUAN CITY – Wala magdahom si Queennie Rose Timbal Balaba, ranked No. 10 sa Top 10 sa Geodetic Engineer Licensure Exam sa nakab-ot niya sa nasangpit nga exam, ilabina nga gilisuran siya sa mga pangutana sa maong exam sa unang adlaw pa lamang.
Kini usab ang rason nga wala na niya huna-hunaa pa nga mag- top pa siya. Sama kang Delfin, kansa classmate ra niini ug housemate pa gayud sa pag review, yanong housewife lang ang iyahang inahan ug construction worker usab ang iyahang amahan.
Dakong pasalamat niya nga anaa ang iyahang mga iyaan ug uyoan nga kanunay nakasuporta kaniya ilabina kung dili na ma kaya sa iyahang amahan ang pinansyal nga gimbug-aton sa ilang pamilya. Tambag niini sa mga mo-take og board exam, ‘compete with yourself’ lang.
