BUTUAN CITY – Hugot nga gikondena sa Kapisanan ng mga Broadcaster sa Pilipinas kon KBP ang pagpamusil sa usa ka media practitioner sa may Pagbahanan 1, Poblacion Marihatag, Surigao Del Sur.
Sigon ni Alfredo “Nonoc” Plaza, Vice Chairman sa KBP- Agusan-Surigao Del Sur chapter, gipaabot na nila sa KBP-Manila ang pagpusil kang JuLieto “Lito Paka”Orillaneda, 35-anyos, menyu kansa gipusil sa gitoohang professional hired killer tungod sa estilo sa pagtira niini sa biktima diin ang 5 ka mga igo, diha gayud tanan sa ulo apan swerte pa gihapon ang biktima nga nabuhi.
Kini dungan sa pagbutyag nga kinahanglang ihunong na ang pagpatay sa mga journalist.
Kung duna man kini kalapasan diha sa trabaho mas maayong pasakahan kini ug kasong libel aron makadepensa sa kaugalingon.
Saysay pan ni Plaza, adiser paman sa maong panghitabo, dunay gikomentaryuhan ang biktima nga usa ka mayor sa maong dapit. Hinungdang nagtoo ang mga kaubang media ug pamilya nga dunay kalabutan ang iyang pagkabug-at mobatikos, sa iyang nahi-aguman.
Alayon niini, mitambag nalang si Plaza ngadto sa mga komentarista nga sundon sa kanunay ang code of ethics diha sa pagpanibya aron malikayan ang pagkomento nga below the belt.
Nasayrang sa niaging alas 7:00 sa gabii, kalit lang gipusil sa riding-in-tandem ang biktima diha mismo sa nataran sa iyang kaugalingong FM station sa maong dapit. (Rolan Janea)
