-- ADVERTISEMENT --
BUTUAN CITY – Gimanduan na sa Police Regional Office-11 ang kapulisan sa lungsod sa Cateel, Davao Oriental nga paspasan ang ilang imbestigasyon aron ma-ilhan na ug magukod gilayon ang mga responsable sa pagpusil-patay kang Kapitan Brendan Castro sa Brgy. Poblacion.
Migawas sa inisyal nga imbestigasyon nga minaog na matud pa sa iyang sakyanan ang biktima tungod sa ilang barangay hall dihang kini gipusil sa riding-in-tandem suspects dayong pusil kaniya sa nagkada-iyang parte sa lawas hinungdan sa iyang hinanaling kamatayon.
Nakuhaan og CCTV footage ang mga suspetsado apan dili maklaro ang ilang bayho tungod kay nakasuot sila og face mask ug nakakalo pa dihang daling misibat padulong sa wala pa matinong direksyon.
