BUTUAN CITY- Nagpakita og garbo ug kolor ang 31 ka tribu nga nagsul-ob sa ilang makapahimuot nga costume ug nagpasundayag sa hataw nga sayaw uban sa ritmo sa drum atol sa gihimong Sadsad Ati-Atihan Contest niadtong Sabado, Enero 17, 2026, kansa usa sa mga highlight sa Kalibo Señor Sto. Niño Ati-Atihan Festival.
Sumala sa Kalibo Ati-Atihan Festival Board kon KAFEB, ang mga grupo nakigkompetensya sa upat ka kategorya sama sa Modern Tribal, Tribal Small, Tradisyunal nga Ati, ug Tribal Big. Sa 31 ka mag partesipante, pito ang misalmot sa Tribal Big, 10 sa Modern Tribal, ug tig-pito sa Tribal Small ug Tradisyunal nga Ati.
Nagsugod ang parada gikan sa Aklan Provincial Capitol alas 7:30 sa buntag ug opisyal nga nag-abli ang sadsad contest alas 8:00, nga miagi sa mga nag-unang kalsada hangtod sa Kalibo Pastrana Park.
Ang mga contingents mihunong sa Kalibo Cathedral alang sa blessing ug judging sa dili pa matapos ang presentasyon sa Kalibo Magsaysay Park.
Ang kompetisyon gi-evaluate sa 11 hangtod 12 ka hurado nga gibutang sa lima ka judging areas sa tulo ka kilometrong ruta. Adunay usab kini ganti sa kintaibuk-ang kapin sa P3.6-M, alang Kalibo Ati-Atihan Festival sadsad contest.
