BUTUAN CITY -Misaka na sa 3 ang kumpirmadong patay samtang daghang ang samaron sa natigayong pagpamusil sulod sa tunghaan sa Madison, Wisconsin.
Sigon sa Madison Police Department nga miresponde kini sa natigayong pagpamusil sa Abundant Life Christian School pasado alas 10:57 sa buntag dayung awhag sa katawhan nga likayan una ang pagpadool sa maong tunghaan.
Sigon ni Madison Police Chief Shon Barnes nga daghang mga casualties ang gikataho diin ang mga na-angol gidala sa mga ospital lakip na niini ang mga magtutungha og mga staff sa maong tunghaan.
Samtang ang suspek, napug-ngan usab sa kapulisan diin dunay tahong migawas nga kini napatay na tungod sa pagpusil sa kaugalingon.
Mihimo na usab og pagsusi ang kapulisan sa uban pang mga dakbalay og mga sakyanan nga anaa sulod sa tunghaan kini samtang gisira ang ubang mga kadalanan.
Ang Abundant Life Christian School usa ka K-12 school nga dunay gibana-banang 390 ka magtutungha.
Plano na unta sa tunghaan nga magsirado na alang sa Christmas Vacation human ning semanaha.
