BUTUAN CITY – Gikatingala ni Professor Gerry Caño, presidente sa Professional Criminologists Association of the Philippines kon PCAP ang pagpamugos ni Senate Blue Ribbon Committee Chairman Panfilo Lacson nga dalhon sa plenaryo ang initial report may kalabutan sa imbestigasyon sa flood control.
Sigon ni Caño natingala siya sa gihimo ni Lacson tungod kay pulis man kini kanhe usab imbestigador apan daw nakalimot kini sa proseso sa imbestigasyon nga dnay initial report, progress report og final report.
Pangutana pa sa professor kung nganung e-ratify kini nga initial report og dalhon sa plenaryo og mao unya’y sumbahan nga partial paman kini og premature ang himoong legal nga aksiyon tungod niini.
Daw gipakita lang matud pa ni Lacson nga duna siya’y gitagoan og gidepensahan nga mga pangalan ilabina kay wala niini gipatawag ang ubang nalambigit sa eskandalo sama nila Kanhe House Speaker Martin Romualdez, Kanhe Executive Secretary Lucas Bersamin og mga testigo sama sa 18 ka kanhe marines.
Samtang nasubo usab ang professor sa kalisud karun sa katawhang Filipino dayung aghat sa mga magbubuhis nga magsulat ngadto sa mga magbabalaod aron ipaabot nga ang ilang gihimo wala makahatag og alebsyu sa kalisud sa katawhan./
