BUTUAN CITY- Gi-awhag ni House Infrastructure Committee Co-Chair Terry Ridon ang lider sa Independent Commission for Infrastructure kon ICI nga gilayong dugangan ang kakuwangon sa ilang mga opisyal aron masiguro nga masilotan ang mga nalambigit sa korapsyon sa flood control projects.
Gihimo sa magbabalaod ang pamahayag isip tubag sa posisyon sa Malacañang diin anaa sa komisyon ang desisyon sa mahimong kapalaran niini isip usa ka independent body.
Sumala ni Ridon, krusyal nga madugangan ang manpower ug makumpleto ang grupo sa mga commissioners sa departamento aron mahimong mas halapad ug ug hingpit ang ilang imbestigasyon.
Tungod niini, gipahimangnoan ni Ridon nga sa sayong panahon magsumite na og reorganization plan o klaro nga lakang ang ICI kang President Ferdinand Marcos Jr. aron dili ma-usik ang nasugdan sa mga niining trabaho.
Bisan paman, gikinahanglan ang kagawasan sa ICI, gipasi-ugda sa magbabalaod nga kinahanglan gihapon og klaro nga nga direksyon ang departamento.
Kahinumdunag una nagpahayag ang Palasyo nga andam maminaw ang Presidente sa rekomendasyon sa komisyon, bisan paman kini kalabot sa paghuman sa ilang mandato o paghangyo og dugang supporta.
