BUTUAN CITY – Giklaro ni May Diez, tigpamaba sa Butuan City government nga duna lama’y pipila ka probisyon sa Executive Order No. 31 nga gipagawas ni Mayor Ronnie Vicente Lagnada nga gi-amyendahan sa gipagawas nga EO No. 31-A.
Sa eksklusibong pakighinabi sa Bombo Radyo Butuan, gipadayag ni Diez nga tumong lamang niini nga malikayan o kaha ma-mitigate ang pagkaylap sa COVID-19 ilabina karong lu-ag na ang sitwasyon sa siyudad human gipa-ilalom sa modified general community quarantine.
Partikular matud pang gi-amyendahan sa mga sections sa EO 31 ang Sec. 3 nga mao ang Home Quarantine and Minimum Public Health Standards ilabina ang pagbakwi na usab sa pagpagawas sa mga senior citizens ug mga minor-de-edad gawas lang sa adlaw’ng Dominggo aron makapalit usab sila sa ilang nag-unang panginahanglanon.
Apil usab sa gi-amyendahan ang Sec. 5 kon Regulation sa mga public mass gatherings rason nga nanawagan kini sa tanang mga simbahan ning siyudad nga adiser sila magpahigayon og tapok-tapok, magpahibalo silang daan sa lokal nga kagamhanan.
Kini aaron masusi sa joint inspection team pagpanguna sa mga personahe sa City Tourism Office aron masuta kung unsa na sila ka-andam sa mga panagtapok ug unsa ang mga health measures nga ilang gi-andam aron masigurong dilli mamahimong tuburan sa pagkaylap sa coronavirus ang ilang gikatakdang mga kalihukan.
