BUTUAN CITY – Normal lang ang gihimo ni Pangulong Ferdinand ‘Bongbong’ Marcos Jr. pagpa-resign sa iyang mga cabinet members tungod sa iyang gipasi-atab nga recalibration.
Sigon ni political analyst Atty. James Reserva, nakita sa pangulo nga dili maayo ang performance sa iyang mga opisyal sa gabinete sa unang tulo ka tuig sa iyang termino base na usab sa resulta sa eleksyon kansa nagtimaan sa pag-reject sa mga tawo sa iyang liderato.
Aron makabawi, iyang gipasubmite og courtesy resignation ang iyang mga cabinet secretaries samtang gi-evaluate ang ilang performance apil na kung duna’y kurapsyon nga natigayon.
Apan ang problema matud pa tungod kay ang kaniadto ka-atbang sa partidong Alyansa ng Pagbabago nga mao ang line-up sa mga Duterte kansa underdog kumpara sa pambato sa administrasyon, maoy gipaboran sa kinabag-ang Filipino.
Kini ang hinungdan nga nag-usab og game plan ang administrasyon gamit na ang mga bag-ong ibutang nga mga players sa pangindahay nga mahatag sa kataehan ang ilang dugay nang gipangayong epektibong serbisyo taliwa sa wala’g tuo nga mga ayudang gipanghatag sa gobyerno.
Anaa matud pa karon sa panic mode ang administrasyon human nga ang ilang unang game plan wala musalir sugod niadtong ilang gihingusgan ang pagpa-impeach kang Vice President Sara Duterte nga gisundan pa sa pagpadakop sa amahan niining si kanhi Pangulong Rodrigo Duterte.
Nadugangan pa ang momentum sa mga Duterte dihang gipadayag ni VP Sara nga duna’y bloodbath nga matigayon atol sa iyang impeachment trial nga gikabalaka og maayo sa administrasyon hinungdan sa ilang radical nga kabag-uhang gihimo.
