BUTUAN CITY – Suspendido karong adlawa sulod sa 24-oras ang hospital admission sa Agusan del Norte Provincial Hospital sa may Brgy. Libertad ning siyudad sa Butuan ug base sa gipagawas nga public advisory ni Dr. Odelio Ferrer, OIC-provincial health officer III sa maong ospital, tungod kini sa ilang himuong hospital-wide disinfection.
Sa kasamtangan, duna sila’y 51 ka mga personahe nga gilangkuban sa walo ka mga doktor, 24 ka mga nurses, ug 19 ka mga administrative staff.
Sa maong ihap, tulo ang na-admit sa Nasipit District Hospital; usa sa Butuan Medical Center annex facility; usa ang na-admit sa Caraga Regional Hospital sa Surigao City; 13 ang anaa sa Bancasi quarantine facility; ug ang uban anaa sa istriktong home quarantine.
Ang mga pasyenteng mugawasay ug ilang mga watchers gitambagan pagpa-ilalom sa 14 ka adlaw nga home quarantine ug makig-alayon sa ilang Barangay Health Emergency Response Team kon BHERT.
Ang mga pasyenteng na-admit sa infirmary, gikan niadtong Agusto 24 hangtud 31, gitambagan pagtawag sa Emergency Operations Center Hotline Numbers nga 0956-516-5949 ug 0939-152-2773.
Ang tanang mg emergency cases nga kinahanglang ipa-ospital, gimanduan pag-adto sa Butuan Medical Center Nasipit District Hospital, Cabadbaran District Hospitals ug uban pa.
Ibalik ang regular admissions ugmang adlawa, Huwebes, Septembre 4.
