BUTUAN CITY – Sa atong nasayran ug sa atong na-andan, ang medyas suuton lang higayong ikaw magsapatos atol sa mga lakaw o kaha kung tugnaw kaayo ang sulod sa inyong balay.
Apan karon, posibleng daghan nang mga magti-ayon o kaha lovers nga magsuot og medyas karong migawas sa pagtuon nga nga makapataas kini sa tsansang makabaton og orgasm.
Yes, tinuod ang imong nabasa.
Ang pagtuong gilusad sa University of Groningen sa Netherlands, migamit og mga brain scans aron sutaon kung unsa ang epekto, kung duna man, diha sa pagsuot og medyas diha sa imong kasinatian sa pakighilawas.
Dinhi ilang nasuta nga 50-porsiento sa mga partisipante nga gilangkuban sa mga lalaki ug mga babaye naka-abot sa climax bisan wala magsuot og medyas apan mas misaka sa 80-porsiento ang naka-abot sa pinakalaming orgasm samtang nakamedyas atol sa ilang sexcapade.
Kung imong pangutana unsa kining hitabua, sigon sa mga tigduki-duki, ang pagsuot og medyas, magpa-init sa inyong mg tiil kansa makatabang pagpabukad sa inyong ka-ugatan rason nga sa kinatibuk-an, mulambo ang pagdagayday sa dugo.
Ang init nga tiil makapalambo sa kalidad sa pagkatulog human sa inyong pagduwa ibabaw sa kama rason nga pulos kaayuhan ang atong makuha kung magsuotog medyas atol sa pakighilawas.
