BUTUAN CITY – Gisinggit karon sa mga broadcast journalists nga sila Jeffrey ‘Ka Eric Almendras’ Celiz, ang kanhi consultant sa National Task Force to End Local Communist Armed Conflict kon NTF-ELCAC ug Lorraine Badoy, ang pito ka adlaw nga paglapas sa House of Representatives sa ilang katungod samtang gibilanggo sa detention facility sa kamara.
Madumdumang gibilanggo ang duha human nga wala makuha sa mga membro sa kamara atol sa ilang legislative inquiry, ang gusto nilang tubag sa pangutana ngadto sa duha kalabot sa tuburan sa ilang impormasyon kalabot sa milyunes pisos nga travel expenses ni House Speaker Martin Romualdez.
Sa eksklusibong pakighinabi sa Bombo Radyo Butuan, gipadayag ni Jeffry ‘Ka Eric ALmendras ‘ Celiz nga wala sila’y reklamo ni Lorraine Badoy kalabot sa mga nagbantay kanila sa detention facility sa kamara kondili ang dili patas nga pagtratar kanila atol sa maong pagdungog.
Kini human sila gilbilanggo nga wala man lang matud pa mi-agi sa due process ang tanan ug kagawasan sa gawasnong pagpadayag. Sa iyang lantaw, ang pagbuhi kanila ni Doctor Badoy kabahin matud pa sa taktika sa kongreso aron dili ma-technical sa Korte Surprema sa gidusong petition for habeas corpus.
Gawas pa kini sa nagkakusog nga suportang ilang nakuha batuk sa busado ug arogante matud pa nga mga magbabalaud.
