BUTUAN CITY – Nag-unang rason sa pagkanaug ni Canada Prime Minister Justin Trudeau ang pagkunhod sa ekonomiya sa nasod sukad pa niadtung pagkahuman sa pandemya.
Sumala ni Bombo International Correspondent Rodge Cultura, Senior Writer sa Canadian Broadcasting Corporation, nga dako matud pang gikunhod sa trust ratings ni Trudeau ning mga panahona, nga nakaapekto na usab sa partido niini kansa mao ang Liberal Party. Sumala ni Rodge nga tungod matud pa sa taas nga inflation rate sa Canada pinaagi sa pag-saka sa mga presyo sa nag-unang palaiton sama sa pagkaon, ingon man niong mahal usab ang pabalay sa maong nasod kon ang Housing niini.
Gipasabot ni Rodge nga tungod kay Federal Parliamentary man ang government system sa Canada, walay katungod ang mga tawo nga derektang maka botar sa ilahang Primiro Ministro, apan duna matud pa silay kakapas nga kalampagon ang partido sa naglingkod nga opisyal tungod kay kung si kinsa ang pinaka daghang partido sa parliamento, sila man ang momugna og goberno.
Kini usab ang rason nganong gikuninitan si Trudeau sa iyahang mga ka-partido, kansa ning resulta sa pagkanaug niini.
Ang pamahayag ni ombo International Correspondent Rodge Cultura.
Naka dugang usab matud pa sa pagkanaug ni Trudeau ang pagresign sa duha sa pinaka tag-as og posisyon sa pangamhanan niini. Sa kasamtangan, gihulatan nalang ni Trudeau nga maka pili ang partido niini og bag-ong lider, ug kung duna nay mapili-an, dinhi na kini pormal nga mo naug isip party leader ug Prime Minister.
Sayrang gi-anunsyo ni Canadian Prime Minister Justin Trudeau nga mu-resign siya isip lider sa governing party human ang kapin usa ka dekada niyang pagka-prime minister.
