BUTUAN CITY – Gikalipay ni Barangay Libertad Kapitan Vincent Rizal Rosario ang pagkasikop sa usa ka drug personality nga gikostudiya na sa Regional Drug Enforcement Unit-13 human nadakpan sa gihimong drug buy-bust operation sa Purok 6-D, Brgy. Libertad ning siyudad sa Butuan.
Nakuha gikan sa posisyon ni Erwin Lawan Haloot, 30-anyos, duna’y ka-ipon, wala’y trabaho ug residente sa Brgy. Doongan ning siyudad, ang 30 ka sachets sa suspected shabu nga mitimbang og 40-gramos ug gibana-banang nagkantidad og 272-mil pisos apil na ang mga drug paraphernalia. Gihimo ang operasyon sa mga sakop sa Regional Drug Enforcement Unit-13, Central Intelligence Unit sa Butuan City Police Office ug Drug Enforcement Unit sa Butuan City Police Station 3.
Sigon ni Kapitan Rosario, padayon ang pagpakusog niya sa kampanya batuk sa ilegal nga druga aron dili mabutang sa alaut ang iyang mga constituents ilabina ang kabatan-unan.
Si kapitan Vincent Rizal Rosario sa Brgy. Libertad ning siyudad sa Butuan.
