BUTUAN CITY – Padayon ang pahimangno sa Bureau of Fisheries and Aquatic Resources kon BFAR-Caraga ngadto sa tanang katawhan nga likayan una ang pagkaon ogmga kinhason ug mga uyabang nga gikuha gikan sa Hinatuan ug Lianga Bay sa Surigao del Sur.
Kini aron dili na ma-usab pa ang nahitabo sa Brgy. Baculin, Hinatuan sa maong lalawigan kondiin usa ang patay samtang laing unom ang nadala sa ospital niadtong Agusto 20 human nahilo sa ilang gikaong kinhason nga gikan sa ilang baybayon.
Sa eksklusibong pakighinabi sa Bombo Radyo Butuan, gibutyag ni Dr. Leona Victoria Nortega, officer-in-charge sa Regional Fisheries Laboratory sa BFAR Caraga, nga hangtud sa pagkutlo niini nga balita, nagpositibo pa sa Paralytic Shellfish Poison ang nasangpit nga baybayon rason nga bawal pa ang pagkuha, pagbaligya ug pagkaon sa mga kinhason nga gikan sa maong mga baybayon.
Sigon ni Nortega, ang organism ng maoyu hinungdan sa red tide episode napalgan usab sa kadagatan sa Barobo kansa parte pa sa Lianga Bay. Iyang gibutyag nga ang pagkahilo mao ang nag-unang concern sa mga local governments atol sa red tide episodes.
Nasayrang ang red tide mu-develop kung ang mga nutrients sa dagat duol sa baybayon, mu-abot sa level nga igo na nga maka-trigger sa reddish dinoflagellates — usa ka single-cell organism nga gitawag og algae— nga maoy mu-harbor sa toxins kansa maoy mutapot sa sa mga marine animals ug seafood sama sa bivalve seashells ug mga crustaceans hangtud nga makasulod sa food chain.
Sigon sa BFAR Caraga, bisan og ang ilang warning nag-cover lang sa mga lungsod sa Hinatuan ug Lianga, apan gitambagan gihapon niini ang publiko sa kasikbit nga mga lungsod nga mag-igmat.
