BUTUAN CITY – Gikwestyon sa kampo ni kanhi Pangulong Rodrigo Roa Duterte ang kanselasyon sa pagdungog sa House Quad Committee karong adlawa kansa sigon sa komite, duna matud pa sila’y gikumpirma nga mga testimonya sa pipila ka mga testigo.
Una nang gipadayag sa higala ni Duterte nga si Salvador Panelo ning mi-aging adlaw pa lang Dominggo nga atangan sa katawhan ang pagtambong sa kanhi pangulo sa maong pagdungog.
Sa pagkasayod sa kampo ni Duterte sa maong kanselasyon, gibutyag ni Panelo nga mu-adto sila duha ni Duterte sa Batasang Pambansa Complex karong alas 10 sa buntag aron komprontahon ang mga membro sa Quad Committee kung nganong ilang gikansela ang maong pagdungog nga walay prior notice, karon nga ningtando na sila sa nasnagpit nga eskedyul. Gusto sa kanhi presidente nga muhimo sila og napulo ka adlaw nga marathon hearing.
Apan pamugos ni Quad Committee over-all chairman Robert Ace Barbers, nga wala sila’y nadawat nga kompermasyon nga mopatim-aw si Duterte sa pagdungog karong adalwa, human gi-snab ni Duterte ang mga na-una nilang imbitasyon.
‘ANO BA TALAGA KUYA?
Madumdumang gipadayag pa ni Barbers nga andam abagahon sa ilang komite ang plitehan sa kanhi presidente, makatambong lang kini sa hearing apan karon, sila na usab ang mikakak.
