BUTUAN CITY – Padayon pang gi-imbestigahan sa kapulisan sa Butuan City Police Station 4 ang kamatayon sa usa ka special person nga gitu-uhang gi-salvage human nakita nga duna kini samad-ginulgulan sa iyang li-og.
Naila ang biktimang si Julieto Montaus alyas Pabling, hingkod ang pangidaron, residente sa Purok 2, Brgy. Taguibo ning siyudad sa Butuan.
Sigon sa nakadiskubre sa patay’ng lawas sa biktima nga si Alfredo Curansi, padulong na siya sa iyang kama-isan kaganinang alas-siete sa buntag dihang iyang nakita ang lawas nga nagbuy-od sa kanal sa quarry site sa ilang lugar rason nga dali niyang gi-adto ang ilang mga barangay tanod.
Ang tipik sa pagsaysay ni Alfredo Curansi, residente sa quarry site Purok 2, Brgy. Taguibo. Samtang aminado si Kapitan Rogelio Dumadag nga duna’y samad-ginulgulan sa li-og sa biktima nga gitu-uhang maoy hinungdan sa iyang kamatayon.
Wala mautud pa siya’y nakitang kadudahang tawo nga mihimo niini sa biktima tungod kay wala man kini kaaway base na sa rekord sa ilang barangay.
Si Taguibo Brgy. Kapitan Rogelio Dumadag.
