BUTUAN CITY – Simbolo sa hustisya sa mga Filipino ang kamatayon ni Ka Maria Malaya o Myrna Sularte sa tinood nga kinabuhi, ang pinakataas nga leader og secretary sa communist terrorist groups’ (CTG) Northeastern Mindanao Regional Committee (NEMRC) kansa miyembro usab Political Bureau sa Communist Party of the Philippines (CPP).
Sigon ni Jeffrey Celis, alyas Ka Eric Celis, secretary general sa Sentrong Alyansa ng Mamamayan Para sa Bayan kon SAMBAYANAN, nakab-ot matud pa ang hustisya tungod sa kamatayon ni Ka Maria Malaya tungod sa daghang mga gipatay sa grupo niini nga mga pulis, sundalo, sibilyan og mga tribu.
Gawas pa kini sa kapin 300 ka mga ekwepo nga ilang gisunog sa Surigao area lang samtang duna tulo ka pantalan og duha ka barko nga gisunog niadtong 2012. Gane dunay mga nagsiradong mga kompanya tungod sa kapintas nga gibuhat sa grupo ni Ka Maria Malaya.
Sumala pa ni Celis nga usa ka dakong leksiyon ang kamatayon niini ngadto sa mga naglihok pa sa kabukiran og gustong sundon ang tunob sa napatay. Samtang dakong kawad-on usab ang kamatayon niini tungod kay siya ang pinakataas og pinaka-senior nga lider sa tibook Mindanao diin lisud nga alisdan ang iyang kapin 40 ka tuig nga kasinatian sa grupo.
Si Jeffrey Celis, alyas Ka Eric Celis, secretary general sa Sentrong Alyansa ng Mamamayan Para sa Bayan o SAMBAYANAN. Samtang gibutyag usab ni Celis nga angayan lang nga hatagan og pasidungog ang kasundaluhan nga naningkamot sa pag-neutralize kang Ka Maria Malaya.
