BUTUAN CITY – Plus factor sa Department of Environment and Natural Resources kon DENR ang pagka-kanhi hepe sa Armed Forces of the Philippines ni kanhi General og Ambassador Roy Cimatu.
Kini ang reaksyon ni DENR-Caraga Regional Executive Director Charlie Fabre human nanumpa kagahapong adlawa isip kalihim sa DENR.
Sa eksklusibong pakighinabi ning sibyahan, gipadayag ni Director Fabre nga tungod sa pagka-anhi AFP chief ni Cimatu, mamanduan na usab niini ang iyang mga kanhi sakop nga kasundaluhan aron mutabang sa mga rehiyunal nga buhatan sa DENR ilabina sa pagsulbad sa illegal logging activities.
Ang kasinatian usab sa kanhi heneral pagdumala sa armadong kusog sa nasud usa ka pamatuod nga kaya usab niining dumalahon ang uban pang mga dagkong ahensya sa gobyerno sama sa DENR.
Gawas pa, anaa usab ang mga undersecretaries sa ahensya nga maoy mu-abag kang Sec. Cimatu ilabina sa mga bag-ong programang napatuman sa wala gikumpimang si kanhi Secretary Gina Lopez. (Beth Ruiz)
