BUTUAN CITY – Gipaneguro sa bag-ong kadumalahan sa National Commission on Indigenous People kon NCIP Caraga ang paghinlo sa satellite offices ilawom sa iyang pangatungdanan ilabina batuk sa mga empleyadong wala mihimo sa ilang responsibilidad, dungan sa pasalig nga andam siyang mugahin ug panahon alang sa media.
Gipaneguro ni NCIP Caraga regional director Atty. Ferdausi Cerna nga usa ka hagit ug oportunidad ang pagkapili kaniya ni Pangulong Duterte nga mudumala sa rehiyonal nga buhatan sa NCIP.
Hagit matud pa kini alang kaniya tungod kay dako pa ang challenge nga sagubangon sa maong buhatan apan dakong oportunidad usab kini tungod kay usa na ka tinuod nga tribu ang muserbisyo kanila, butang nga nahikaw sa nakalabay’ng mga administrasyon.
Sigon sa opisyal, bation niya ang panginahanglan sa tribu tungod kay gikan ug usa siya sa maong kaliwatan, busa gipaneguro niining matubag ang mga yangungo ug gikinahanglang tabang sa lumad tribu ilawom sa iyang administrasyon.
