Paghatag sa second dose sa Sinovac vaccine sa Priority Group A1 dinhi sa Butuan, sugdan karong adlawa

BUTUAN CITY- Sugdan na karong adlawa MIyerkules ang paghatag sa second dose sa Sinovac vaccine sa Priority Group A1 kon mga frontline Health Workers dinhi syudad sa Butuan.

Sugdan kini sa alas 8:00 sa buntag hantod 3:30 sa hapon nga mulungtad hangtod May 15 ug himuon kini South Atrium sa Robinsons Place.

Madumdumang kinahanglan ang ikaduhang dose sa bakuna aron makuha ang kumpletong proteksyon batok COVID-19. 

Sa latest data nga gipagawas sa DOH-Caraga, mu-abot na sa 56,520 ang kinatibuk-ang ihap nga natupukan na sa bakuna sa intero rehiyon.

Dinhi sa dakbayan sa Butuan usa ka 96-anyos nga Lola ang pinaka-tigulang nga malampusong nakadawat sa bakuna batok sa virus.