Paghatag og special protection sa mga batang anaa sa conflict areas, aprubado na sa kamara

BUTUAN CITY – Nanghinaut si Butuan City og Agusan del Norte 1st district Rep. Lawrence Lemuel Fortun nga aprubahan na usab sa Senado ang napapasar na nilang House Bill 7442 kon mas nailang ‘An Act providing special protection of children in situation of armed conflict’.
Sa eksklusibong pakighinabi sa Bombo Radyo Butuan, gibutyag niining cover sa maong proteksyon kadtong mga nag-edad og 18-anyos pa-ubos ingon man kadtong lapas na sa 18-anyos apan ang iyang kapasidad, susama gihapon sa bata.
Apil sa proteksyunan gawas sa kinabuhi og katungod sa mga bata panahon sa gubot nga sitwasyon ang ilanga gender, cultural, ethnic og religious background. Alayon niini, hingusgan nilang mapatuman kini ubos usab sa pagsunod sa uban ang susamang mga international laws.
Higayong hingpit nang mamahimong balaud kung aprubahan na sa Senado og mapirmahan na ni Pangulong Duterte, kinahan glang respetuhon sa tanang panahon ang katungod sa mga bata ilabina kadtong nagkinahanglan og proteksyon.
Ang nasangpit nga balaudnon nga duna’y daghang probisyon, giduso niadto pang 16th Congress giduso apan tungod kay wala man mapapasar sa mi-aging kongreso hinungdan nga subli niya kining giduso karon nga Kongreso. (Beth Ruiz)