BUTUAN CITY – Ginegar ni PRO-11 Regional Director Brig.General Torre ang impormasyon nga ninggamit matud pa ang mga kapulisan og tear gas sulod sa Kingdom of Jesus Christ Compound atol sa pagsilbi og warrant of arrest batok kang Pastor Apollo Quiboloy.
Una nang gikabutyag ni Atty. Israelito Torreon, ang legal counsel sa Kingdom of Jesus Christ nga migamit sumala pa ang mga otoridad og tear gas sa pagsulod sa KOJC.
Samtang gikabutyag usab niini nga gumikan sa pagsulod sa kapin 2-mil ka mga myembro sa kapulisan sa KOJC compound, anaa na sa 16 ang naangol nga sagad niini adunay mga samad ug bun-og sa kalawasan, samtang ang uban giataki sa kasing-kasingng.
Ning kasamtanga wala pay kumpirmasyon ang kapulisan kabahin sa maong report.
Alayon niini pabilin gihapon ang mga pwersa sa kapulisan sa sulod ug gawas sa KOJC compound alang sa pagpangita kang Pastor Quiboloy ug sa pag serve niini sa iyahang warrant of arrest ingon man sa lain pang mga kaubanan nga adunay patong nga P10 milyon ug P1 milyon.
