BUTUAN CITY – Desidido si Bislig City Mayor Librado Navarro nga mopasaka ug kaso batuk sa kapulisan nga mihimu ug pagsusi sa service van sa lokal nga kagamhanan sa maong siyudad.
Sigon ni Mayor Navarro, gitun-an na sa iyang abogado ang kasong ipadaka batuk sa kapulisan nga naka-full battle geard samtang illegal matud pang mihimu ug pagsusi sa service van.
Kini isip kabahin sa gihimung imbestigasyon sa kamatayon sa broadcaster nga si Christopher Iban Lozada diin si Mayor Navarro ang gitudlong person of interest ug ang maong service vehicle ang gidudahang gigamit sa maong kremin.
Pagbutyag pa ni Mayor Navarro, mibati ug grabe nga kahadlok ang mga empleyado sa city hall human misulod ang kapulisan ug misusi sa service van bisan og walay dalang search warrant.
Samtang kumbinsido usab ang mayor nga gisakyan ug pamulitika ang pagdoot kaniya sa kamatayon sa broadcaster.
Gane gikatingala niini ang grabe ka pursigido sa kapulisan nga matumbok siya nga maoy responsable sa kamatayon sa radio man nga sukwahi matud pa sa nahitabong pagpatay usab sa iyang mga empleyado sa niaging panahon nga hangtud sa pagkakarun wala pa nahatagan ug hustisya.
Pamugos pa ni Mayor Navarro, gusto usab niyang mahatagan ug hustisya ang kamatayon sa anchorman apan kinahanglang ipasubay sa saktong proseso ang pagimbestiga niini.
