BUTUAN CITY – Subling nanawagan ang Philippine Red Cross (PRC) nga mudonar og dugo tungod kay ang usa ka yunit sa dugo, makaluwas man og kinabuhi sa hangtod sa tulo ka tawo.
Sumala sa World Health Organization (WHO), aron makabaton og igong suplay sa dugo ang usa ka nasud, kinahangalng 1% sa kinatibuk-ang populasyon mudonar og dugo matag-tuig.
Sigon sa Philippine Red Cross, sa mga geographically isolated nga lugar sa tibuok nasud, daghang mga Pilipino ug mga ospital ang adunay limitado nga access sa igo ug kalidad nga suplay sa dugo.
Alayon niini giawhag ni PRC Chairman ug Chief Executive Officer Dick Gordon ang matag-Filipino nga aktibong mudonar og dugo.
Sa kasamtangan, duna nay 32 ka blood centers ang Philippine Red Cross sa tibook Pilipinas, ingon man 75 ka mga blood station/collection sites.
